3 апрельдә район администрацияһының мәғариф бүлеге бинаһының ултырыштар залында Әбйәлил районы уҡыу алдынғыларын билдәләү һәм баһалау сараһы уҙҙы.

Был сараға районыбыҙҙың 50 уҡыусыһы йыйылды. Уларҙың 11-ре район администрацияһы башлығының стипендияһы менән, 24-те уҡыу алдынғыһы администрация премияһы менән, ә 15-ше  - администрацияның бер тапҡыр бирелә торған премияһы менән бүләкләнде.

  Әйтеп үтелгән йондоҙсоҡтар араһында беҙҙең дә мәктәптән уҡыу   алдынғыһы балҡыны  - Төркмәнова Динә Ирәмән ҡыҙы,

  Ул уҡыусы бик тырыш, аҡыллы, ипле уҡыусы бала. Район кимәлендә уҙғарылған олимпиадаларҙа ла, райондар араһында үткән йәш белгестәр бәйгеһендә лә бер ҙә һынатмай матур сығыш яһаны. Уҡытыусыһы әйтмешләй - Динә уның уң ҡулы. 10 - сы синыфта ғына белем алһа ла, тормошҡа шул тиклем маҡсатлы һәм етди ҡарай ул.

Район администрацияһы башлығының, уның урынбаҫарҙарының, мәктәп директорының ҡотлауҙарына беҙ ҙә - Динәнең уҡытыусылары ла ҡушылып сәпәкәй итеп ҡыуанабыҙ, афарин Динә!

Тик уңыштар ғына юлдаш булһын алдағы тормошоңда!