*Яңы йыл менән!*

Тағы бер көндән бар донъя халҡы һағынып көткән Яңы йыл байрамы етә. Бик күптәр өсөн был байрам мөғжизәләргә тулы ваҡиға, бөтәһенең дә был көн менән иң саф һәм яҡты теләктәре бәйләнгән.

Үтеп барған йыл беҙҙең мәктәп өсөн бик уңышлы килде, балалар араһында яңы йондоҙҙар ҡабынды, төрлө ярыштарҙа юғары урындар яуланды, беҙҙең мәктәбебеҙҙең исеме республика күләмендә лә яңғыраны, спорт яғынан ҡыҙҙарыбыҙ Өфө ҡалаһында уҙасаҡ Кес-баскет баскетбол ярышына үттеләр.

Хөрмәтле коллегалар, ҡәҙерле уҡыусылар һәм ата-әсәләр!

Киләһе йылда һеҙҙең барығыҙға ла теләге килә ныҡлы һаулыҡ, һәр эшегеҙҙә уңыштар, тырышлыҡ, күңел тыныслығы, бәхет һәм мөғжизәләр !

Каникул 28 декабрьҙан 13 ғинуарға тиклем. 13 көндө шул көндөң дәрестәр теҙмәһе менән уҡырға киләбеҙ.

Каникул осоронда мәктәптә төрлө түңәрәктәр һәм секциялар эшләйәсәк. Һәр ҡайһыһы тураһында алдан төшөнөү мотлаҡ. 

Һаҡсыллыҡ ҡағиҙәләре менән таныштығыҙ, ял иткәндә шул ҡағиҙәләрҙе боҙоу һеҙҙең генә түгел, ә яҡындарығыҙҙың да һаулығына, хатта ғүмеренә зарар килтереүе мөмкин, шуға күрә тағы берҙе ҡабатлайбыҙ:

1. Пиротехника менән шаярмаҫҡа.

2. Юл ҡағиҙәләрен боҙмаҫҡа.

3. Буран көндө юлға сығыуҙан тартынырға.

4. Таныш булмаған кешеләргә эйәреп китмәҫкә.

5. Ят машиналарға ултырмаҫҡа.

6. Боҙ өҫтөндә уйнағанда мәкегә яҡын бармаҫҡа.

7. Һаулыҡҡа зарар килтерерлек эсемлектәр һәм матдәләр кулланмаҫҡа.

Администрация